اخوانى / اخواتى فى الله


ازيكم كلكم يارب تكونوا بالف خير


طبعا الجواب باين من عنوانه هو كده بالظبط
دا اللى انا عاوزه اتكلم معاكوا فيه


عاوزه نبدا مع بعض نستعد للشهر الكريم
وكما نصومه صح علشان نفرح بجد بصيامنا ونحس اننا راضيين عن نفسنا
وعلشان كمان كلنا مش عارفين دا هيكون رمضان رقم كام مش يمكن يكون الاخير ؟؟؟


الاول احب ان كلنا ندعى
قولو معايا ( اللهم بلغنا رمضان )
ربنا يسمع مننا جميعا ويارب يبلغنا الشهر الكريم ويقدرنا على حسن عبادته


ندخل فى الموضوع بقى لان شكلى كده طولت جدا فى المقدمه...
مع العلم ان كل اللى هقوله دا اقتراحات ناويه اعملها ان شاء الله واتمنى تشاركونى
وطبعا اللى عنده اى ملاحظه او اقتراح يتفضل علشان نساعد بعض.







الاستعداد للشهر الكريم..


ازاى بقى نستعد؟؟
اقولكم
1-محتاجين نعود نفسنا على الصيام
نعود نفسنا ازاى ايه دا هو احنا اول مره نصوم يعنى؟؟


لا مش اول مره بس لو صمنا يوم الاتنين والخميس هيكون شئ جميل جدا
اولا : سنه عن النبى صلى الله عليه وسلم
ثانيا : الايام اللى جايه دى الصيام فيها مستحب شهر رجب وشهر شعبان
ثالثا : هنتعود على السحور والفطار والالتزام بمواعيدهم
رابعا : نتعود على الجوع والعطش وخصوصا ان رمضان جى فى الصيف والدنيا حر جدا.






2-نحافظ على الصلاة فى مواعيدها تماما ..


دى حاجه طبعا احنا مطالبين بيها طول السنه مش دلوقتى ولا فى رمضان بس
لكن خلونا نبدا من دلوقتى ونعود نفسنا بالتدريج وان شاء الله تبقى عاده راسخه معانا ومش نتخلى عنها ابدا خصوصا بعد ما نحس بحلاوة الطاعه والقرب من الله عز وجل.







3-تعالوا نرقق قلبنا شويه ...
ازاى بقى... هقولكم


عاوزين نقرب من ربنا .. عاوزين نكسر الحواجز ... تعالوا بجد نعمل كده
تعالوا نتذلل لربنا ... تعالوا نندم وندعى من قلوبنا ... تعالوا نقول سامحنا يارب
من الاخر تعالوا نعترف باخطائنا طوووول السنه...
نتعود ندعى ونقرب شويه بشويه ونحس بعظمة القرب من حبيبنا اللى بعدنا عنه كتير
علشان ان شاء الله على رمضان نقدر نكثر من الدعاء.







4- نبعد عن الناس اللى عاوزين يخسرونا اهم شهر فى السنه ...
مين الناس دى ؟؟؟


الناس اللى بتعمل مسلسلات وفوازير وبرامج وحركات وميحلاش دا كله الا فى شهرنا حبيبنا اللى حيلتنا هههههههه ايه دا انا قلبت بلدى كدا ليه
نرجع لموضوعنا تعالوا نسك على التليفزيون شويه .. لا لا شويتين
ناخد منه بس اللى هيفيدنا ومش يشيلنا زنوب
على رمضان ان شاء الله نستغنى عنه نهائى ويارب نكمل لاااااااااخر العمر.







5- نطلع المصاحف بتاعتنا ونستخدمها بقى كفايه كده ...
نحاول كل واحد يعمل ورد يومى ولو جزء او نص جزء على قد ما تقدر على قد وقتك الفاضى
علشان نقدر بإذن الله لما ييجى رمضان نختم القرآن الكريم مرات ومرات.








6- حاجه اخيره وياريت تقبلوها منى ومش تعتبروها تدخل ولا تعدى على حرياتكم
نغير توقيعاتنا ... نخليها حاجه متكونش سبب فى اننا نشيل ذنب
احنا او اى حد بيشوفها







اتمنى مكونش طولت عليكم

لكم كل الود